ആം ആദ്‌മി പാര്‍ട്ടി എംപി ഭഗവന്ത് സിങ് മന്നിനെ പുനരധിവാസ കേന്ദ്രത്തിലേക്ക് അയയ്ക്കണമെന്ന് എം പിമാര്‍; ഭഗവന്ത് മദ്യപിച്ച് ലോക്സഭയില്‍ എത്തുന്നുവെന്ന് ആരോപണം
ആം ആദ്‌മി പാര്‍ട്ടി എം പിയായ ഭഗവന്ത് സിങ് മന്നിനെ പുനരധിവാസ കേന്ദ്രത്തിലേക്ക് അയയ്ക്കണമെന്ന് എം പിമാര്‍. ലോക്സഭ സ്പീക്കറോട് എം പിമാര്‍ ഇക്കാര്യം ആവശ്യപ്പെട്ടത്. മദ്യപിച്ചാണ് ഭഗവന്ത് സിങ് മന്‍ ലോക്സഭയില്‍ എത്തുന്നുവെന്നും പരാതിയില്‍ ഉണ്ട്.
ഭഗവന്ത് സിങ് മന്നിനെ പുനരധിവാസ കേന്ദ്രത്തിലാക്കുന്നതിന്റെ ചിലവ് ലോക്സഭ വഹിക്കണമെന്നും പരാതിയില്‍ ആവശ്യപ്പെടുന്നു. അവിടെ നിന്ന് നല്ല രീതിയില്‍ തിരിച്ചെത്തിച്ചാല്‍ മാത്രം ലോക്സഭ നടപടികളില്‍ പങ്കെടുപ്പിച്ചാല്‍ മതി. ശിരോമണി അകാലിദള്‍ എം പി പ്രേം സിങ് ചന്ദുമജ്ര, ബി ജെ പി എം പി മഹീഷ് ഗിരി, ആം ആദ്‌മി പാര്‍ട്ടിയില്‍ നിന്ന് സസ്പെന്‍ഡ് ചെയ്യപ്പെട്ട എം പി ഹരീന്ദര്‍ സിങ് ഖല്‍സ എന്നിവരാണ് സ്പീക്കര്‍ സുമിത്ര മഹാജന് പരാതി നല്കിയത്.
അതേസമയം, അടുത്തവര്‍ഷം പഞ്ചാബില്‍ നടക്കാനിരിക്കുന്ന നിയമസഭതെരഞ്ഞെടുപ്പില്‍ ആം ആദ്‌മി പാര്‍ട്ടിയുടെ സാന്നിധ്യത്തിന് തടയിടാനാണ് ഭഗവന്തിനെതിരെ ആരോപണങ്ങള്‍ ഉന്നയിക്കുന്നതെന്നാണ് റിപ്പോര്‍ട്ടുകള്‍.