വിനോദ സഞ്ചാരത്തിന് വാതിൽ തുറന്ന് ഇന്ത്യ, ഒക്‌ടോബർ 15മുതൽ ടൂറിസ്റ്റ് വിസകൾക്ക് അനുമതി

വിദേശ വിനോദ സഞ്ചാരികൾക്ക് ഒക്‌ടോബർ 15 മുതൽ വിസ അനുവദിക്കുമെന്ന് കേന്ദ്രസർക്കാർ. ചാർട്ടേഡ് വിമാനങ്ങളിൽ ഇന്ത്യയിലെത്തുന്ന വിനോദസഞ്ചാരികൾക്കാണ് ആദ്യം വിസ അനുവദിക്കുക.

നവംബർ 15 മുതൽ സാധാരണ വിമാനങ്ങളിൽ എത്തുന്നവർക്കും വിസ അനുവദിക്കും. ഇന്ത്യയിലെത്തുന്ന വിനോദസഞ്ചാരികൾ രാജ്യത്തെ കൊവിഡ് നിയന്ത്രണങ്ങൾ കർശനമായി പാലിക്കണമെന്നും ആഭ്യന്തര മന്ത്രാലയം അറിയിച്ചു. രാജ്യത്ത് കൊവിഡ് കേസുകളിൽ കുറവുണ്ടായ സാഹചര്യത്തിലാണ് വിനോദ സഞ്ചാര മേഖലയിൽ ഇളവുകൾ അനുവദിക്കുന്നത്.