രാജ്യത്ത് ഉഷ്ണ തരംഗം കനക്കുന്നു. തലസ്ഥാനം ഉള്‍പ്പടെ പലയിടങ്ങളിലും താപനില 45 ഡിഗ്രി കടന്നു. 72 വര്‍ഷത്തിനിടയില്‍ രണ്ടാമത്തെ ഉയര്‍ന്ന ചൂടേറിയ ഏപ്രില്‍ മാസമാണ് ഡല്‍ഹിയില്‍ കടന്നു പോകുന്നത്. യുപിയിലെ പ്രയാഗ് രാജില്‍ 47 ഡിഗ്രി സെല്‍ഷ്യസ് താപനിലയാണ് ഇന്നലെ രേഖപ്പെടുത്തിയത്. 5 സംസ്ഥാനങ്ങളില്‍ കാലവസ്ഥാ നിരീക്ഷണ കേന്ദ്രം ഓറഞ്ച് അലേര്‍ട്ട് പ്രഖ്യാപിച്ചിട്ടുണ്ട്. വരും ദിവസങ്ങളില്‍ താപനില ഉയരുമെന്നാണ് മുന്നറിയിപ്പ്. കേരളത്തിലും ചൂട് കൂടുകയാണ്. ഉച്ചയ്ക്ക് 11 മുതല്‍ വൈകിട്ട് നാല് വരെയുള്ള സമയത്ത് വെയില്‍ കൊള്ളുന്നത് ഒഴിവാക്കണം.
