എ ഡി എം കെയുടെ നിയമസഭാകക്ഷി നേതാവ് എടപ്പാടി പളനിസ്വാമിക്ക് ഗവര്‍ണറുമായി കൂടിക്കാഴ്ച നടത്താന്‍ അനുമതി ലഭിച്ചു. മുതിര്‍ന്ന മന്ത്രിമാര്‍ ഉള്‍പ്പെടെ 12 പേര്‍ അടങ്ങുന്ന സംഘത്തിനാണ് ഗവര്‍ണറെ കാണാന്‍ അനുമതി ലഭിച്ചിരിക്കുന്നത്. വൈകുന്നേരം 05.30നാണ് ഗവര്‍ണറുമായുള്ള കൂടിക്കാഴ്ചയ്ക്ക് അനുമതി ലഭിച്ചിരിക്കുന്നത്.
ഇതിനിടെ, കാവല്‍മുഖ്യമന്ത്രി ഒ പനീര്‍സെല്‍വം കൂവത്തൂരിലേക്ക് പുറപ്പെട്ടതായി റിപ്പോര്‍ട്ടുകളുണ്ട്. ആംബുലന്‍സ്, പൊലീസ് ഉള്‍പ്പെടെയുള്ള സന്നാഹങ്ങളുമായാണ് പനീര്‍സെല്‍വം കൂവത്തൂരിലേക്ക് പുറപ്പെട്ടിരിക്കുന്നത് എന്നാണ് റിപ്പോര്‍ട്ടുകള്‍. അതേസമയം, കാഞ്ചിപുരം കളക്‌ടര്‍ കൂവത്തൂരില്‍ നിരോധനാജ്ഞ പ്രഖ്യാപിച്ചു.
