വാണിജ്യ ആവശ്യങ്ങള്‍ക്കുപയോഗിക്കുന്ന ചൈനീസ് ഡ്രോണുകള്‍ ഉപയോഗിച്ചുള്ള പാക്കിസ്ഥാന്റെ ആയുധക്കടത്തിന് തടയിടാന്‍ അതിര്‍ത്തിയില്‍ ഡ്രോണ്‍ പ്രതിരോധ സംവിധാനം പ്രതിരോധഗവേഷണ സ്ഥാപനമായ ഡിആര്‍ഡിഒ വികസിപ്പിക്കുന്നു. ഭാരത് ഇലക്ട്രോണിക്‌സുമായി ചേര്‍ന്നാണ് ഡിആര്‍ഡിഒ ഡ്രോണ്‍ പ്രതിരോധ സംവിധാനം വികസിപ്പിക്കുന്നതെന്നാണ് വിവരം. അതിര്‍ത്തിയില്‍ പാക്കിസ്ഥാന്‍ ഡ്രോണുകള്‍ ഉപയോഗിച്ച് ഭീകരര്‍ക്ക് ആയുധങ്ങള്‍ എത്തിച്ചു നല്‍കുന്നുവെന്ന മുന്നറിയിപ്പ് രഹസ്യാന്വേഷണ ഏജന്‍സികള്‍ സൈന്യത്തിന് നല്‍കിയിരുന്നു.
