ബാങ്കുകളില്‍ പുതിയ നോട്ടുകള്‍ എത്തിക്കുന്നതിന് വ്യോമസേനയെ ഉപയോഗിക്കാന്‍ കേന്ദ്രസര്‍ക്കാര്‍ തീരുമാനം. നോട്ട് പ്രതിസന്ധി തുടരുന്ന പശ്ചാത്തലത്തിലാണ് ഇത്. പ്രിന്റെ ചെയ്യുന്ന പ്രസുകളില്‍ നിന്ന് പുതിയ നോട്ടുകള്‍ ബാങ്കുകളില്‍ എത്തിക്കാന്‍ 21 ദിവസമെടുക്കും. ഈ സാഹചര്യത്തിലാണ് ഹെലികോപ്‌ടറുകളും വ്യോമസേനാ വിമാനങ്ങളും ഉപയോഗിക്കാന്‍ കേന്ദ്രസര്‍ക്കാര്‍ തീരുമാനിച്ചിരിക്കുന്നത്.
രാജ്യത്തെ നഗരങ്ങളില്‍ അടുത്ത ആഴ്ചയോടെ സ്ഥിതിഗതികള്‍ സാധാരണ നിലയിലാകുമെന്നാണ് സര്‍ക്കാര്‍ കണക്കു കൂട്ടുന്നത്. ഈ സാഹചര്യത്തില്‍ നാവികസേനയുടെ സേവനങ്ങള്‍ ഉപയോഗിച്ച് ഗ്രാമങ്ങളിലേക്ക് പണമെത്തിക്കാനാണ് കേന്ദ്രസര്‍ക്കാര്‍ ശ്രമിക്കുന്നത്. ജനുവരി 15 നോട്ട് പ്രതിസന്ധി പരിഹരിക്കപ്പെടുമെന്നാണ് പ്രതീക്ഷിക്കുന്നത്.
