ഡൽഹിയിൽ ആറ് ഭീകരർ പിടിയിൽ, പദ്ധതിയിട്ടത് വൻ സ്ഫോടനങ്ങൾക്ക്, രണ്ടുപേർ പാകിസ്ഥാനിൽ പരിശീലനം നേടിയവർ
ചൊവ്വ, 14 സെപ്‌റ്റംബര്‍ 2021 (19:33 IST)
രാജ്യത്തിന്റെ വിവിധഭാഗങ്ങളിൽ വൻ സ്ഫോടനത്തിന് പദ്ധതിയിട്ട 6 ഭീകരരെ ഡൽഹി പോലീസിന്റെ സ്പെഷ്യൽ സെൽ പിടികൂടി. ഇവരിൽ നിന്ന് സ്ഫോടകവസ്‌തുക്കളടക്കം ആയുധശേഖരം പിടിച്ചെടുത്തു. ഇവരിൽ രണ്ട് പേർ പാകിസ്ഥാനിൽ പരിശീലനം നേടിയവരാണ്. ഡൽഹിയിലും മുംബൈയിലും ഭീകരാക്രമണം നടത്താൻ ഇവർ പദ്ധതിയിട്ടിരുന്നതായാണ് വിവരം.
Delhi Police Special Cell has busted a Pak-organised terror module, arrested 6 people including two terrorists who received training in Pakistan pic.twitter.com/ShadqybnKU
നവരാത്രി ആഘോഷങ്ങൾ നടക്കാനിരിക്കെ രാജ്യത്തെ പ്രധാന നഗരങ്ങളിൽ സ്ഫോടനം നടത്താനായിരുന്നു ഇവർ പദ്ധതിയിട്ടിരുന്നതെന്ന് ഡൽഹി പോലീസ് പറഞ്ഞു.രഹസ്വവിവരത്തിന്റെ അടിസ്ഥാനത്തിൽ ഡൽഹി,മഹാരാഷ്ട്ര,ഉത്തർപ്രദേശ് എന്നിവിടങ്ങളിൽ ഡൽഹി സ്പെഷ്യൽ പോലീസ് നടത്തിയ അന്വേഷണത്തിലാണ് സംഘം പിടിയിലായത്.
