ദേശീയ സുരക്ഷാ ഉപദേഷ്ടാവ് അജിത് ഡോവലിന്റെ വസതിയില്‍ അതിക്രമിച്ച് കയറാന്‍ ശ്രമിച്ചയാളെ പൊലീസ് അറസ്റ്റുചെയ്തു. ബുധനാഴ്ച ഡല്‍ഹി പൊലീസാണ് അജ്ഞാതനായ ആളെ അറസ്റ്റുചെയ്തത്. സംഭവത്തില്‍ അന്വേഷണം ആരംഭിച്ചിട്ടുണ്ട്. ഇയാളെ ഡല്‍ഹി പൊലീസിലെ സ്‌പെഷ്യല്‍ സെല്‍ ചോദ്യം ചെയ്തിട്ടുണ്ട്. ഡല്‍ഹിപൊലീസിനെ ഉദ്ധരിച്ച് വാര്‍ത്താ ഏജന്‍സിയായ എഎന്‍ ഐ ആണ് ഇക്കാര്യം റിപ്പോര്‍ട്ട് ചെയ്തത്. ബെംഗളൂര്‍ സ്വദേശിയായ ശാന്തനു റെഡ്ഢിയാണ് ഇയാളെന്ന് പൊലീസ് തിരിച്ചറിഞ്ഞു.
