ചെന്നൈ: കോവിഡ് 19 പടരുന്നതിനെതിരെയുള്ള മാർഗ നിർദേശങ്ങൾ കാറ്റിൽ പറത്തി. ചെന്നൈയിൽ ആയിരങ്ങൾ ഒത്തുകൂടി പ്രതിഷേധം. പൗരത്വ ഭേതഗതി നിയമത്തിനും, എൻപിആറിനും, എൻആർസിക്കും എതിരെയാണ് തോഹിദ് ജമാത്തിന്റെ നേതൃത്വത്തിൽ നിർദേശങ്ങൾ ലംഘിച്ച് പ്രതിഷേധം നടത്തിയത്. സംഭവത്തിന്റെ ദൃശ്യങ്ങൾ വാർത്താ ഏജസിയായ എഎൻഐ പുറത്തുവിട്ടു.
വൈറസ് ബാധ ചെറുക്കുന്നതിനായി 50ൽ അധിക പേർ തടിച്ചുകൂടരുത് എന്നാണ് ഡൽഹി ഗവൺമെന്റ് നൽകിയിരിക്കുന്ന നിർദേശം. 5 പേരിൽ കൂടുതൽ ഒത്തുകൂടരുത് എന്ന് മുംബൈ ഭരണകൂടവും നിർദേശം നൽകിയിട്ടുണ്ട്. വിവാഹങ്ങളിൽ പോലും 50ൽ കൂടുതതൽ ആളുകൾ പങ്കെടുക്കരുത് എന്നാണ് കേരള സർക്കാരിന്റെ നിർദേശം. ഇത്തരത്തിൽ വലിയ ജാഗ്രത പുലർത്തുമ്പോഴായാണ് ആയിരങ്ങൾ പ്രതിഷേധവുമായി തെരുവിൽ ഇറങ്ങിയിരിക്കുന്നത്.
