ലോക്കല്‍ ട്രെയിനില്‍ സ്ഫോടനം; 19 പേര്‍ക്ക് പരുക്ക്
യാത്രക്കാര്‍ തമ്മിലുള്ള സംഘര്‍ഷത്തെ തുടര്‍ന്ന് കൊല്‍ക്കത്തയില്‍ ലോക്കല്‍ ട്രെയിനില്‍ സ്ഫോടനം. സ്‌ഫോടനത്തില്‍ 19 പേര്‍ക്ക് പരുക്കേറ്റു. ചൊവ്വാഴ്ച പുലര്‍ച്ചെ 3.55 ന് തിത്താഗഢ് സ്റേഷനു സമീപമാണ് പൊട്ടിത്തെറിയുണ്ടായത്. പരിക്കേറ്റവരെ ആര്‍ജി കര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
ട്രെയിനിലെ യാത്രക്കാര്‍ തമ്മിലുള്ള സംഘര്‍ഷത്തെ തുടര്‍ന്നാണ് സംഘര്‍ഷവും ബോംബേറുമുണ്ടായത്. സംഭവത്തെ തുടര്‍ന്ന് കൊല്‍ക്കത്തയില്‍ ട്രെയിന്‍ ഗതാഗതം തടസ്സപ്പെട്ടു. ബോംബ് സ്ക്വാഡ് സ്ഥലത്തെത്തി പരിശോധന നടത്തി.
