മോഡിയുടെ റാലി: വേദി തകര്‍ന്ന് 50 പേര്‍ക്ക് പരുക്ക്, പരിപാടി റദ്ദാക്കി
റായ്പുരില്‍ പ്രധാനമന്ത്രി നരേന്ദ്ര മോഡിയുടെ റാലിക്കുവേണ്ടി തയറാക്കിയിരുന്ന വേദി തകര്‍ന്ന് 50 പേര്‍ക്ക് പരുക്കെറ്റു. റാലിക്കുവേണ്ടിയുള്ള വേദി തയറാക്കുന്നതിനിടെ ശക്തമായ കാറ്റ് വീശിയതിനെ തുടര്‍ന്ന് വേദി തകരുകയായിരുന്നു. പരുക്കേറ്റവരെ സമീപത്തെ വിവിധ ആശുപത്രികളില്‍ പ്രവേശിപ്പിച്ചു. അപകടത്തില്‍ നിരവധി പൊലീസുകാര്‍ക്കും പരുക്കേറ്റു. ഇതോടെ പ്രധാനമന്ത്രിയുടെ റായ്പുരിലെ പരിപാടി റദ്ദാക്കി.
