ജമ്മു കശ്‌മീരിലെ ബാരാമുള്ളയില്‍ ഏറ്റുമുട്ടല്‍. ഏറ്റുമുട്ടലില്‍ ഒരു സൈനികനും അഞ്ചു ഭീകരരും മരിച്ചു. ഉറി മേഖലയിലാണ് സംഭവം. നിയന്ത്രണരേഖയ്ക്ക് അപ്പുറത്തു നിന്ന് ഭീകരര്‍ നുഴഞ്ഞുകയറാന്‍ ശ്രമിക്കുന്നത് ശ്രദ്ധയില്‍പെട്ട സൈന്യം നടത്തിയ തിരച്ചിലിനിടെയാണ് ഏറ്റുമുട്ടല്‍ നടന്നത്.
അതേസമയം, ബാരാമുള്ളയില്‍ വെള്ളിയാഴ്ച ഭീകരര്‍ നടത്തിയ വെടിവെപ്പില്‍ ഒരു സൈനികന്‍ കൊല്ലപ്പെട്ടിരുന്നു.
കൊല്ലപ്പെട്ട ഭീകരരുടെ മൃതദേഹങ്ങള്‍ കണ്ടെടുക്കാന്‍ കഴിഞ്ഞിട്ടില്ല. മോശം കാലാവസ്ഥയും അപകടകരമായ ഭൂപ്രദേശവുമായതിനാലാണ് ഇത്. സൈന്യം വെടിവെച്ചതിനെ തുടര്‍ന്ന് ഭീകരര്‍ പാകിസ്ഥാന്‍ മേഖലകളിലേക്ക് തിരിച്ചു പോയതായും സൈനിക ഉദ്യോഗസ്ഥര്‍ വ്യക്തമാക്കി.