കാലാവധി തീര്‍ന്ന്‌ 24 മാസം പിന്നിടുന്ന സേവന-വേതന കരാര്‍ പുതുക്കണമെന്നാവശ്യപ്പെട്ട്‌ ഇന്ന്‌ ബാങ്കിംഗ്‌ മേഖലയില്‍ പണിമുടക്ക്. പൊതുമേഖല- സ്വകാര്യ-ഗ്രാമീണ ബാങ്കുകളിലെ പത്തുലക്ഷത്തോളം ബാങ്ക് ജീവനക്കാരും ഓഫീസര്‍മാരുമാണ്‌ യുണൈറ്റഡ്‌ ഫോറം ബാങ്ക് യൂണിയന്‍സിന്റെ ആഹ്വാന പ്രകാരം പണിമുടക്കില്‍ പങ്കെടുക്കുന്നത്‌. ഇന്നലെ നടന്ന ഉഭയകക്ഷി ചര്‍ച്ചകളിലും ചീഫ്‌ ലേബര്‍ കമ്മിഷണര്‍ വിളിച്ചുകൂട്ടിയ അനുരഞ്ജന ചര്‍ച്ചകളിലും തീരുമാനമാകാത്തതിനെത്തുടര്‍ന്നാണ്‌ പണിമുടക്ക്.
