ബോളിവുഡ് നടിയും പ്രമുഖ മോഡലുമായ ശിഖ ജോഷി ആത്മഹത്യ ചെയ്തു. വര്‍സോവയിലുള്ള അപാര്‍ട്മെന്‍റിലെ ബാത്ത്റൂമിലാണ് ഞായറാഴ്ച മൃതദേഹം കണ്ടത്. കൂടെ താമസിക്കുന്ന ഒരു സുഹൃത്താണ് ശിഖയെ രക്തത്തില്‍ കുളിച്ച നിലയില്‍ കണ്ടത്തെിയത്. തുടര്‍ന്ന് ശിഖയെ ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
ശിഖയുടെ കഴുത്തില്‍ മൂന്നു മുറിവുകള്‍ ഉണ്ടായിരുന്നതായാണ് പൊലീസ് അറിയിച്ചത്. ശിഖ രണ്ടുതവണ ചെറുതായി മുറിക്കുകയും പിന്നീട് വലിയ മുറിവുണ്ടാക്കുകയുമായിരുന്നുവെന്നുമാണ് പോലീസ് ഭാഷ്യം. ആരെങ്കിലും ആക്രമിക്കുകയായിരുന്നെങ്കില്‍ ഒറ്റ മുറിവ് മാത്രമേ ഉണ്ടാകുമായിരുന്നുള്ളുവെന്ന് പോലീസ് പറയുന്നു. സംഭവത്തില്‍ പോലീസ് അസ്വാഭാവിക മരണത്തിന് കേസ് രജിസ്റ്റര്‍ ചെയ്തിട്ടുണ്ട്.