പതിനാറാം സഭയിലെ 226 എംപിമാര്‍ പലകാലങ്ങളിലായി വിവിധ ലോക്‌സഭകളില്‍ അംഗങ്ങളായിരുന്നവരാണ്. ബിജെപിയുടെ 281 എംപിമാരില്‍ 116 പേര്‍ നേരത്തേ അംഗങ്ങളായിരുന്നു. 165 പേര്‍ പുതുക്കക്കാരാണ്. കോണ്‍ഗ്രസിന്റെ 44 എംപിമാരില്‍ 35 പേര്‍ വിവിധ സഭകളില്‍ പ്രവര്‍ത്തിച്ചിരുന്നു. അതേസമയം എഐഎഡിഎംകെയുടെ 37-ല്‍ 34 പേരും ആദ്യമായിട്ടാണ് ലോക്‌സഭയിലെത്തുന്നത്. തൃണമൂല്‍ കോണ്‍ഗ്രസിന്റെ 19-ഉം ബിജു ജനതാദളിന്റെ 12-ഉം എംപിമാര്‍ കന്നിക്കാരാണ്.
കമല്‍നാഥ്, രാംവിലാസ് പാസ്വാന്‍, പിഎ സാംഗ്മ എന്നിവരാണ് പതിനാറാം ലോക്‌സഭയിലെ മുതിര്‍ന്ന അംഗങ്ങള്‍. മൂന്നുപേരും ഒമ്പതാംതവണയാണ് തിരഞ്ഞെടുക്കപ്പെടുന്നത്. കരിയാമുണ്ട, ഷിബു സോറന്‍(ജാര്‍ഖണ്ഡ്), സുമിത്രാ മഹാജന്‍(മധ്യപ്രദേശ്), അര്‍ജുന്‍ചരണ്‍ സേഠി(ഒഡിഷ) എന്നിവര്‍ എട്ടാംതവണയാണ് വിജയിച്ചത്.
