മുഖ്യമന്ത്രി യോഗി ആദിത്യനാഥിന്റെ മണ്ഡലമായ ഉത്തര്‍പ്രദേശിലെ ഗോരഖ്പൂരില്‍ യുവാവിനെ തല്ലിക്കൊന്നു. കാമുകിക്കൊപ്പം ബെഡ് റൂമില്‍ കണ്ടെത്തിയതിനെ തുടര്‍ന്നുണ്ടായ സംഘര്‍ഷത്തിലാണ് യുവാവിനെ യുവതിയുടെ വീട്ടുകാര്‍ തല്ലിക്കൊന്നത്. ഇന്നലെയാണ് സംഭവം. ഷെര്‍പൂര്‍ ഗ്രാമവാസിയായ സൂരജ് പാല്‍ എന്ന 24കാരനെയാണ് തല്ലിക്കൊന്നത്.
പെണ്‍കുട്ടിയുടെ സഹോദരന്‍ ഗൗതം ഇരുവരേയും ബെഡ് റൂമില്‍ കണ്ടെത്തിയതിനെ തുടര്‍ന്ന് ആക്രമിക്കാനൊരുങ്ങിയിരുന്നു. പരിഭ്രാന്തനായ സൂരജ് ഗൗതമിന് നേരെ വെടി വച്ചതായും പൊലീസ് പറയുന്നു. ഇതേ തുടര്‍ന്ന് പെണ്‍കുട്ടിയുടെ ബന്ധുക്കളും നാട്ടുകാരും ചേര്‍ന്ന് സൂരജിനെ ഇരുമ്പ് റോഡുകളും വടികളും കൂര്‍ത്ത ആയുധങ്ങളും കൊണ്ട് വളഞ്ഞിട്ട് ആക്രമിച്ചു.
