സഹോദരിമാരെ ബലാത്സംഗം ചെയ്ത ടാക്സി ഡ്രൈവര്‍മാരെ പൊലീസ് അറസ്റ്റ് ചെയ്തു. പടിഞ്ഞാറന്‍ സിക്കിമിലാണ് സഹോദരിമാര്‍ ബലാത്സംഗത്തിന് ഇരയായത്.
16, 12 വയസുള്ള സഹോദരിമാരെ പടിഞ്ഞാറന്‍ സിക്കിമിലുള്ള സിങ്കടം പ്രദേശത്തെ വീട്ടില്‍ നിന്നും കാണാതാകുകയായിരുന്നു. ഇവരെ പ്രദേശത്തെ മൂന്ന് ടാക്സി ഡ്രൈവര്‍മാര്‍ കാറില്‍ കടത്തിക്കൊണ്ടു പോകുകയായിരുന്നു.
ഡ്രൈവര്‍മാര്‍ സഹോദരിമാരെ സില്‍ഗുരിയിലേക്കാണ് കൊണ്ടു പോയത്. അവിടെ മുറിയെടുത്ത ഡ്രൈവര്‍മാര്‍ സഹോദരിമാരെ പീഡിപ്പിക്കുകയായിരുന്നു. തുടര്‍ന്ന് പെണ്‍കുട്ടികളെ മുറിയില്‍ പൂട്ടിയിടുകയും ചെയ്തു.
PTI
തുടര്‍ന്ന് തിരിച്ച് വീട്ടിലേക്ക് കൊണ്ടു പോരുമ്പോഴും പെണ്‍കുട്ടികളെ പ്രതികള്‍ പീഡിപ്പിച്ചിരുന്നു. തങ്ങളെ തട്ടിക്കൊണ്ട് പോയിയെന്നും ബലാത്സംഗം ചെയ്തുവെന്നും സഹോദരിമാര്‍ വീട്ടില്‍ പറയുകയായിരുന്നു.
വീട്ടുകാരുടെ പരാതിയില്‍ പൊലീസ് സിങ്കടം പ്രദേശത്തെ പ്രതികളായ മൂന്ന് ഡ്രൈവര്‍മാരെ അറസ്റ്റ് ചെയ്യുകയായിരുന്നു. ഇവര്‍ക്കെതിരെ പീഡനം, തട്ടിക്കൊണ്ട് പോകല്‍ തുടങ്ങിയ കുറ്റങ്ങള്‍ക്കാണ് കേസ് റജിസ്റ്റര്‍ ചെയ്തിരിക്കുന്നത്.