ആര്‍ ജെ ഡി അധ്യക്ഷന്‍ ലാലു പ്രസാദ് യാദവ്, ജെ ഡി യു നേതാവ് ശരത് യാദവ് എന്നിവരും കോണ്‍ഗ്രസിന്റെയും ഇടതിന്റെയും നേതാക്കളും നിതിഷ് കുമാറിനൊപ്പം ഉണ്ടായിരുന്നു. നിതിഷ് കുമാറിന് പിന്തുണ പ്രഖ്യാപിച്ച എം എല്‍ എമാരും ഒപ്പമുണ്ടായിരുന്നു. എന്നാല്‍, എം എല്‍ എമാരെ ഗവര്‍ണറെ കാണുന്നതിനായി അനുവദിച്ചില്ല. അതിനാല്‍ തിരിച്ചറിയല്‍ കാര്‍ഡുകളുമായി എത്തിയ എം എല്‍ എമാര്‍ പുറത്തു കാത്തുനിന്നു.
ബി ജെ പി, ജെ ഡി യുവിനെതിരെ ഗൂഡാലോചന നടത്തുന്നതായി നിതിഷ് കുമാര്‍ പറഞ്ഞു. ഗവര്‍ണറുമായുള്ള കൂടിക്കാഴ്ചയ്ക്കു ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. മാഞ്ചി പാര്‍ട്ടിക്ക് എതിരായാണ് പ്രവര്‍ത്തിക്കുന്നതെന്നും നിതിഷ് കുമാര്‍ പറഞ്ഞു.
