യുവാവിന്റെ വായില്‍ മൊബൈല്‍ പൊട്ടിത്തെറിച്ചു

PTI

PTI

വായില്‍ കടിച്ച് പിടിച്ചിരുന്ന മൊബൈല്‍ പൊട്ടിത്തെറിച്ച് യുവാവിന് ഗുരുതര പരുക്ക്. മധ്യപ്രദേശിലെ ഗുരുദ്വാര ഗ്രാമത്തിലെ 22കാരനാണ് അപകടമുണ്ടായത്.

ടോര്‍ച്ചോടുകൂടിയ മൊബൈല്‍ വായില്‍ കടിച്ച് പിടിച്ച് വീടിനു മുകളില്‍ വെച്ചിരുന്ന സാധനങ്ങള്‍ തിരയുന്നതിനിടയില്‍ മൊബൈല്‍ പൊട്ടിത്തെറിക്കുകയായിരുന്നു. പൊട്ടിത്തെറിയില്‍ യുവാവിന്റെ താടിയെല്ലും അന്നനാളാവും പൂര്‍ണ്ണമായും തകര്‍ന്ന നിലയിലാണ്.

പൊട്ടിത്തെറിയുണ്ടായ ഉടന്‍ തന്നെ വീട്ടുകാര്‍ യുവാവിനെ ആശുപത്രിയില്‍ എത്തിക്കുകയായിരുന്നു. യുവാവിന്റെ നില ഗുരുതരമായി തുടരുകയാണെന്ന് ഡോക്ടര്‍മാര്‍ അറിയിച്ചു. ചൈനീസ് മൊബൈലാണ് യുവാവ് ഉപയോഗിച്ചിരുന്നത്.