മെര്‍സല്‍ വിവാദം കത്തിപ്പടരുമ്പോള്‍ ചിത്രത്തിന് പിന്തുണയുമായി രജനികാന്ത്. രജനികാന്ത് തന്റെ ട്വിറ്ററിലൂടെയാണ് പിന്തുണ നല്‍കിയത്. കേന്ദ്ര സര്‍ക്കാര്‍ നടപ്പിലാക്കിയ ചരക്കു സേവന നികുതിയെയും ഡിജിറ്റല്‍ ഇന്ത്യ പദ്ധതിയെയും പരിഹസിച്ചുകൊണ്ടുള്ള രംഗങ്ങള്‍ ചിത്രത്തില്‍ ഉള്‍പ്പെടുത്തിയതാണ് വിവാദങ്ങള്‍ക്ക് കാരണമായത്.
ഈ രംഗങ്ങള്‍ ഒഴുവാക്കണമെന്ന് തമിഴ്നാട് ബിജെപി നേതൃത്വം ആവശ്യപ്പെട്ടു. ഇതിനിടെയാണ് രജനികാന്ത് പിന്തുണയുമായി രംഗത്ത് വന്നത്. പ്രധാനപ്പെട്ട ഒരു വിഷയമാണ് മെര്‍സല്‍ കൈകാര്യം ചെയ്തിരിക്കുന്നത്. അത് നന്നായി ചെയ്തതിന് ചിത്രത്തിന്റെ അണിയറ പ്രവര്‍ത്തകര്‍ക്ക് അഭിനന്ദനങ്ങള്‍ എന്നാണ് രജനി ട്വീറ്റ് ചെയ്തത്.