രേഖയുടെ ഒരു സുഹൃത്ത് പറയുന്ന വിവരങ്ങള്‍ അനുസരിച്ച് സംഭവം ഇങ്ങനെയാണ്: ബന്ധുക്കള്‍ നിശ്ചയിച്ചുറപ്പിച്ച വിവാഹമായിരുന്നു ഇവരുടേത്. എന്നാല്‍ ഈ വിവാഹബന്ധം രേഖയ്ക്ക് ഇഷ്ടമല്ലായിരുന്നു. തന്നെ ഭര്‍ത്താവ് അടിമയെപ്പോലെയാണ് കാണുന്നതെന്ന് ആരോപിച്ച് രേഖ അധികം വൈകാതെ സ്വന്തം വീട്ടിലേക്ക് മടങ്ങിപ്പോയി. മടങ്ങിവരണമെന്ന അപേക്ഷയുമായി ദീപക് രേഖയുടെ വീട്ടിലെത്തി. മടങ്ങിയെത്താമെന്നും തന്‍റെ മൂന്ന് ഉപാധികള്‍ അംഗീകരിക്കണമെന്നും രേഖ ദീപക്കിനോട് പറഞ്ഞു. തനിക്ക് ആഹാരം ഉണ്ടാക്കി തരണം, വസ്ത്രങ്ങള്‍ അലക്കി തരണം, എന്നും രാവിലെ കാലുതിരുമ്മിത്തരണം എന്നിവയായിരുന്നു രേഖയുടെ ആവശ്യങ്ങള്‍. ഇതെല്ലാം ദീപക് അംഗീകരിച്ചു.
ഇതാണത്രേ രേഖയെ പ്രകോപിപ്പിച്ചത്. ഭര്‍ത്താവിന്‍റെ മാതാപിതാക്കളെ ഒരു പാഠം പഠിപ്പിക്കണമെന്ന് നിശ്ചയിച്ച രേഖ അന്നുമുതല്‍ ‘മൂത്രച്ചായ’യ്ക്ക് തുടക്കമിട്ടു. ഭര്‍ത്താവിന്‍റെ അമ്മയ്ക്കും അച്ഛനും രേഖ എന്നും ചിരിച്ചുകൊണ്ട് ‘സ്നേഹത്തോടെ’ ചായ നല്‍കി, പക്ഷേ അതില്‍ മൂത്രം ഒഴിച്ചിരുന്നു എന്നുമാത്രം. ഒരു വര്‍ഷത്തോളമാണ് ഇങ്ങനെ മൂത്രച്ചായ കൊടുത്തത്.
