പെണ്‍കുട്ടികളുടെ ലൈംഗികവികാരം കുറയ്ക്കുന്നതിന് മുംബൈയിലെ ഷിയ വിഭാഗത്തില്‍പ്പെട്ട ബൊഹ്‌റ സമൂഹം കാണിക്കുന്ന ക്രൂരതയെ വിളിക്കാന്‍ പൈശാചികം എന്ന വാക്ക് മതിയാവില്ല. ലൈംഗിക വികാരം ശമിപ്പിക്കാന്‍ ആറും ഏഴും വയസ്സ് മാത്രം പ്രായം വരുന്ന പെണ്‍കുട്ടികളെ ഇവര്‍ യോനിഛേദം നടത്തുന്നു. ഈ സംഭവം ആചാരമെന്ന പേരിലാണ് ഇവര്‍ കൊണ്ടാടുന്നത്.
എന്നാല്‍ ഈ ക്രൂരതയ്ക്ക് തടയിടാന്‍ സര്‍ക്കാരിനാവുന്നില്ലെന്നത് ദുരന്തമാണ്. ബൊഹ്‌റ സമൂഹത്തിലെ മിക്ക പെണ്‍കുട്ടികളും ഈ ക്രൂരതയുടെ ഇരകളാണ്. എതിര്‍ക്കാന്‍ അവര്‍ക്ക് അവകാശമില്ല. ഈ ക്രൂരത അറിയുന്ന സ്വന്തം അമ്മയും കുടുംബത്തിലെ മറ്റു സ്ത്രീകളും ഇതിന് കൂട്ട് നില്‍ക്കുന്നുണ്ടെന്നാണ് മറ്റോരു കാര്യം. ബൊഹ്‌റ സമൂഹത്തിന്റെ ഈ ആചാരം പെണ്‍കുട്ടികള്‍ മരിക്കാന്‍ വരെ കാരണമാകാം.
