ഡല്‍ഹിയിലെ ഇസ്രായേല്‍ എംബസിയുടെ കാറിലുണ്ടായ സ്ഫോടനത്തിന് ലബനന്‍ ബന്ധമുണ്ടോ എന്ന് സംശയം. ഇന്റലിജന്‍സ് വിഭാഗം ഇതേക്കുറിച്ച് അന്വേഷണം ആരംഭിച്ചു.
ലബനന്‍ കേന്ദ്രീകരിച്ചുള്ള ഭീകരസംഘടയായ ഹിസ്ബുള്ളയ്ക്ക് സ്ഫോടനത്തില്‍ പങ്കുണ്ടോ എന്നാണ് അന്വേഷിക്കുന്നത്.
ഡല്‍ഹിയിലെ വിവിധ ഹോസ്റ്റലുകളിലും റസിഡന്‍ഷ്യല്‍ കോളനികളിലും താമസിക്കുന്ന ലബനീസ് വിദ്യാര്‍ഥികളെക്കുറിച്ച് അന്വേഷണം നടക്കുന്നുണ്ട്. സ്ഫോടനത്തിന് പിന്നില്‍ ഇറാന്‍ ആണെന്ന് ഇസ്രായേല്‍ ആരോപിച്ചിരുന്നു. ഡല്‍ഹിയിലെ ഇറാന്‍ വിദ്യാര്‍ഥികളെ കേന്ദ്രീകരിച്ചും അന്വേഷണം നടക്കുന്നുണ്ട്.
