ഗാന്ധിയെ വധിച്ച ഗോഡ്സെയുടെ കയ്യില്‍ ഉണ്ടായിരുന്നത് ഏഴ് തിരകളുള്ള തോക്കായിരുന്നു. ഈ തോക്കില്‍ നിന്നുള്ള മൂന്ന് വെടിയുണ്ടകളാണ് ഗാന്ധിജിയുടെ ശരീരത്തിലേറ്റത്. ബാക്കി നാലു വെടിയുണ്ടകൾ പിടിച്ചെടുത്ത തോക്കിൽത്തന്നെയുണ്ടായിരുന്നു. എന്നാല്‍ ഗാന്ധിജിയുടെ ശരീരത്തില്‍ നാല് മുറിവുകള്‍ ഉണ്ടായിരുന്നു. നാലാമത്തെ വെടിയുണ്ട ഏതു തോക്കിൽ നിന്നുള്ളതാണെന്ന് വ്യക്തമായിട്ടില്ലെന്നും ഇത് കണ്ടെത്താന്‍ അന്വേഷണ കമ്മീഷനെ നിയോഗിക്കണമെന്നും ഹര്‍ജിയില്‍ പറയുന്നു.
