സി ബി എസ് ഇ നടത്തിയ അഖിലേന്ത്യ പ്രവേശനപരീക്ഷയുടെ ഫലം റദ്ദാക്കണമെന്ന് ആ‍വശ്യപ്പെട്ട് കൊണ്ടുള്ള ഹര്‍ജിയില്‍ ഈ മാസം 15ന് സുപ്രീംകോടതി വിധി പറയും. ജൂണ്‍ ആറിന് പ്രഖ്യാപിക്കേണ്ടിയിരുന്ന വിധി ജൂണ്‍ 12ലേക്ക് മാറ്റിയിരുന്നു. എന്നാല്‍, ഇന്ന് ഹര്‍ജിയില്‍ വിധി പ്രഖ്യാപിക്കാനിരിക്കെ പ്രഖ്യാപനം ജൂണ്‍ 15ലേക്ക് മാറ്റുകയായിരുന്നു.
അതേസമയം, അഖിലേന്ത്യ പ്രവേശനപരീക്ഷ സുതാര്യമായി നടത്തുന്നതില്‍ സി ബി എസ് ഇ പരാജയപ്പെട്ടെന്ന് കോടതി നിരീക്ഷിച്ചു. കൂടാതെ, പ്രവേശനപരീക്ഷ നടത്തിപ്പ് കാലഹരണപ്പെട്ടതാണെന്നും കോടതി നിരീക്ഷിച്ചു.
സി ബി എസ് ഇ നടത്തിയ അഖിലേന്ത്യ മെഡിക്കല്‍ പ്രവേശന പരീക്ഷയില്‍ വ്യാപകമായ ക്രമക്കേട് കണ്ടെത്തിയതായി പരാതി ഉയര്‍ന്നിരുന്നു. പ്രവേശന പരീക്ഷയുടെ ഉത്തരങ്ങള്‍ ഹരിയാനയില്‍ ചിലയിടങ്ങളില്‍ മൊബൈല്‍ മെസേജ്, വാട്സ് ആപ് എന്നിവ വഴി പ്രചരിച്ചെന്നും പരാതി ഉയര്‍ന്നിരുന്നു.
