ചെറുപ്പം മുതല് തന്നെ സാഹിത്യത്തോട് ആഭിമുഖ്യം തോന്നുകയും കവിതകള് എഴുതുകയും ചെയ്തിരുന്ന സെല്മ 33-ാം വയസ്സിലാണ് ആദ്യമായി ഒരു കൃതി പ്രസിദ്ധീകരിച്ചത്. 1890 ല് ഒരു സ്വീഡിഷ് വാരിക നടത്തിയ സാഹിത്യ മത്സരത്തില് ഒന്നാം സമ്മാനം ലഭിച്ചതിനെത്തുടര്ന്നായിരുന്നു അത്.
1891ല് പ്രസിദ്ധീകരിച്ച ഗോസ്റ്റ ബര്ളിംഗ്സ് സാഗ എന്ന ആദ്യ പുസ്തകം തുടക്കത്തില് വലിയ ചലനമൊന്നും സൃഷ്ടിച്ചില്ല. എന്നാല് ഈ നോവലിന്റെ ഡാനിഷ് വിവര്ത്തനം പുറത്തു വന്നപ്പോള് വന് പ്രതികരണമാണുണ്ടായത്. അതിലൂടെ വിശ്വസാഹിത്യ രംഗത്ത് പുതിയ ഒരു യുഗപ്പിറവി ലോകം ദര്ശിച്ചു.