മമ്മൂട്ടിയും തമ്പി കണ്ണന്താനവും തമ്മിൽ വലിയ ബന്ധമായിരുന്നു. മമ്മൂട്ടി മതിയെന്നും മറ്റാർക്കും വിൻസെന്റ് ഗോമസ് ആകാൻ കഴിയില്ലെന്നുമായിരുന്നു ഡെന്നിസും തമ്പിയും പറഞ്ഞത്. പക്ഷേ, തമ്പിക്ക് ഡേറ്റ് നല്‍കാന്‍ മമ്മൂട്ടി തയ്യാറായില്ല. തമ്പി കണ്ണന്താനം അപ്പോള്‍ പരാജയപ്പെട്ടുനില്‍ക്കുന്ന ഒരു സംവിധായകനായിരുന്നു.
ഡെന്നീസും തമ്പിയും ഒരുപാട് നിർബന്ധിച്ചെങ്കിലും മമ്മൂട്ടി സമ്മതിച്ചില്ല. ഇതില്‍ കോപാകുലനായ തമ്പി കണ്ണന്താനം ‘രാജാവിന്‍റെ മകന്‍’ മോഹന്‍ലാലിന് നല്‍കുകയായിരുന്നു. മമ്മൂട്ടിയോട് ദേഷ്യപ്പെട്ടെങ്കിലും രാജാവിന്‍റെ മകന്‍റെ പൂജാ ചടങ്ങില്‍ നിലവിളക്ക് കൊളുത്താന്‍ മമ്മൂട്ടിയെയാണ് തമ്പി വിളിച്ചത്. രാജാവിന്‍റെ മകന്‍ ചരിത്രവിജയമായി.
