പുതിയ റിലീസുകളില്‍ ഫിലിപ്സ് ആന്‍റ് ദി മങ്കി പെന്‍ മികച്ച വിജയമാകുകയാണ്. സിനിമയുടെ ട്രെയിലര്‍ ഉണര്‍ത്തിയ വലിയ പ്രതീക്ഷയോടെ സിനിമ കാണാനെത്തിയ പ്രേക്ഷകരെ അങ്ങേയറ്റം തൃപ്തിപ്പെടുത്തുന്ന മേക്കിംഗ് ആയിരുന്നു ചിത്രത്തിന്‍റേത്. നവാഗതരായ സംവിധായകര്‍ ഗംഭീരമായാണ് ഈ ചിത്രം അവതരിപ്പിച്ചിരിക്കുന്നത്. സനൂപ് എന്ന ബാലതാരത്തിന്‍റെ വിസ്മയപ്രകടനം തന്നെയാണ് ഈ ചിത്രത്തെ വലിയ വിജയത്തിലേക്ക് നയിക്കുന്നത്.
മങ്കിപെന്നിന് കുടുംബപ്രേക്ഷകര്‍ തള്ളിക്കയറിയതോടെ ചിത്രത്തിന് ദിവസം ചെല്ലുന്തോറും കളക്ഷന്‍ വര്‍ദ്ധിച്ചുവരികയാണ്.
അടുത്ത പേജില്‍ - തിര ശരാശിയിലൊതുങ്ങി!
PRO
‘തിര’ വന്‍ വിജയമാകുമെന്നാണ് ട്രേഡ് പണ്ഡിറ്റുകള്‍ പ്രവചിച്ചത്. ഇനിഷ്യല്‍ കളക്ഷന്‍ മികച്ചതായിരുന്നു. എന്നാല്‍ പിന്നീട് ബോക്സോഫീസില്‍ ഒരു ശരാശരി പ്രകടനമാണ് ചിത്രം നടത്തുന്നത്. വിനീത് ശ്രീനിവാസന്‍റെ സംവിധാനമികവും ശോഭനയുടെ അഭിനയവുമെല്ലാം മികച്ച ഘടകങ്ങളാണെങ്കിലും ഒരു ഡാര്‍ക്ക് മൂവി എന്ന ഇമേജ് കുടുംബ പ്രേക്ഷകരെ തിയേറ്ററില്‍ നിന്ന് അകറ്റുന്നു. എങ്കിലും ചിത്രം ലാഭം നേടുമെന്നാണ് വിവരം.
അടുത്ത പേജില്‍: ഗീതാഞ്ജലി - ഞെട്ടിക്കുന്ന വീഴ്ച!
PRO
‘ഗീതാഞ്ജലി’യുടെ വീഴ്ചയാണ് ഞെട്ടിക്കുന്നത്. ഗംഭീര ഇനിഷ്യല്‍ കളക്ഷന്‍ ലഭിച്ച ഈ സിനിമ ആദ്യദിവസത്തിന് ശേഷം അവിശ്വസനീയമായ രീതിയില്‍ തകര്‍ന്നടിയുകയായിരുന്നു. നാദിയ കൊല്ലപ്പെട്ട രാത്രി എന്ന സിനിമയുമായി വലിയ വ്യത്യാസമൊന്നുമില്ലാത്ത പ്രമേയം പ്രേക്ഷകര്‍ക്ക് വിരസത മാത്രമാണ് സമ്മാനിച്ചത്. സാങ്കേതികമികവോ മോഹന്‍ലാലിന്‍റെ സാന്നിധ്യമോ ഈ പ്രിയദര്‍ശന്‍ ചിത്രത്തെ രക്ഷിച്ചില്ല.
അടുത്ത പേജില്‍ - ഇടുക്കി ഗോള്‍ഡ് എങ്ങനെ? നാടോടിമന്നന് എന്തുപറ്റി?
PRO
മലയാള ചിത്രങ്ങള്‍ മങ്ങിയ പ്രകടനം കാഴ്ചവയ്ക്കുമ്പോള്‍ കേരളത്തിലെ തിയേറ്ററുകളില്‍ തകര്‍ത്തോടുകയാണ് അന്യഭാഷാ ചിത്രങ്ങള്‍. ‘തല’ അജിത്തിന്‍റെ ‘ആരംഭം’ സൂപ്പര്‍ഹിറ്റായിരിക്കുകയാണ്. ചിത്രത്തിന്‍റെ മിക്ക ഷോയും ഫുള്‍ ഹൌസിലാണ് പ്രദര്‍ശിപ്പിക്കുന്നത്.
