കഴിഞ്ഞദിവസം രാത്രി കേരള യൂണിവേഴ്‌സിറ്റി തിരഞ്ഞെടുപ്പ് കഴിഞ്ഞ് ഇറങ്ങി വന്ന കെഎസ്യുകാരെ എസ്എഫ്‌ഐക്കാര്‍ ക്രൂരമായി മര്‍ദ്ദിച്ചു. പെണ്‍കുട്ടികളെയും മര്‍ദ്ദിച്ചു. കൊച്ചിയില്‍ എറണാകുളം ജില്ലാ ബാര്‍ അസോസിയേഷന്റെ വാര്‍ഷിക പരിപാടിയില്‍ കയറി അതിക്രമം നടത്തി. അവിടെയുണ്ടായിരുന്ന സ്ത്രീകളെ അധിക്ഷേപിച്ചു. ഭക്ഷണം മുഴുവന്‍ കഴിച്ചു. പത്തുപേര്‍ ആശുപത്രിയിലാണ്. സിപിഎം അഭിഭാഷക യൂണിയനില്‍ പെട്ടവര്‍ക്കും എസ്എഫ്‌ഐക്കാരുടെ മര്‍ദ്ദനമേറ്റിട്ടുണ്ടെന്ന് വി ഡി സതീശന്‍ പറഞ്ഞു.
കേരളത്തിലെ ക്യാമ്പസുകളില്‍ മയക്കുമരുന്ന് പിടിച്ചാലും റാഗിംഗ് നടത്തിയാലും അതിന് പിന്നിലുള്ളത് എസ്എഫ്‌ഐ ആണ്. ലഹരി മരുന്നിനെതിരെ സമരം തുടരുമെന്ന് പ്രഖ്യാപിച്ചതിന് പിന്നാലെ മന്ത്രിസഭായോഗത്തില്‍ പോയി ഒന്നാം തീയതി മദ്യം വിളമ്പും എന്ന് പ്രഖ്യാപനം നടത്തുകയാണ് മുഖ്യമന്ത്രി ചെയ്യുന്നതെന്നും എന്തൊരു കാപട്യമാണ് ഇതൊന്നും വിഡി സതീശന്‍ ചോദിച്ചു.
