കേരള ഗ്രന്ഥശാലാസംഘത്തിന്‍റെ സ്ഥാപകനായ പി.എന്‍. പണിക്കര്‍ മലയാളികള്‍ക്ക് വായനയുടെ വഴികാട്ടിയാണ്. അദേഹത്തിന്‍റെ ചരമദിനമായ ജൂണ്‍ 19 വായനാദിനമായി ആചരിച്ചാണ് പുസ്തക പ്രേമികള്‍ നന്ദി അറിയിക്കുന്നത്. ഇതോടനുബന്ധിച്ച് ഒരാഴ്ച വായനാ വാരമായി ആചരിക്കുന്നു.
19 മുതല്‍ 25 വരെ വായനാവാരമായി ആചരിക്കും. സംസ്ഥാന സര്‍ക്കാര്‍, വിദ്യാഭ്യാസവകുപ്പ്, പബ്ളിക് റിലേഷന്‍സ് വകുപ്പ്, പി.എന്‍ പണിക്കര്‍ ഫൗണ്ടേഷേന്‍ എന്നിവയുടെ സംയുക്താഭിമുഖ്യത്തിലാണ് ചടങ്ങ് നടത്തുന്നത്.
. വായനാ വാരത്തോടനുബന്ധിച്ച് സ്കൂളുകളില്‍ പി.എന്‍ പണിക്കരുടെ സന്ദേശമായ വായിച്ചുവളരുക എന്ന പ്രതിജ്ഞ കുട്ടികള്‍ ചൊല്ലുകയും വിശിഷ്ട പുസ്തകങ്ങളിലെ പ്രധാന ഭാഗങ്ങള്‍ കൂട്ടായി പാരായണം ചെയ്യുകയും ചെയ്യും. സ്കൂളുകളില്‍ അധ്യാപകരെ ആദരിക്കുന്ന ഗുരുവന്ദന ചടങ്ങും നടക്കും.
നിലവിലുള്ള റീഡിങ്ങ് ക്ളബുകള്‍ സജീവമാക്കി സ്കൂളുകളില്‍ പി.എന്‍ പണിക്കര്‍ കോര്‍ണറുണ്ടാക്കി സാഹിത്യ-സാംസ്കാരിക ചര്‍ച്ചായോഗങ്ങളും വായിച്ചുവളരുക ക്വിസ് മത്സരവും, ലേഖന-പ്രസംഗ-ചിത്രരചനാ മത്സരങ്ങളും സംഘടിപ്പിക്കും. കൂടാതെ സാഹിത്യകാരന്മാരും വിദ്യാര്‍ത്ഥികളും തമ്മിലുള്ള സംവാദവും നടത്തും.
WD
WD
പി.എന്‍. പണിക്കര്‍: വായനയുടെ വഴികാട്ടി
ചങ്ങനാശ്ശേരിക്കടുത്തുള്ള നീലംപേരൂരില്‍ ജനിച്ച പണിക്കര്‍ മലയാളം ഹയര്‍ പരീക്ഷ പാസായശേഷം നീലംപേരൂര്‍ മിഡില്‍ സ്കൂള്‍ അധ്യാപകനായി.ഇദ്ദേഹത്തിന്‍റെ ശ്രമഫലമായി ജന്മദേശത്തു സ്ഥാപിതമായ വായനശാലയാണ് പില്‍ക്കാലത്ത് സനാതന ധര്‍മവായനശാലയായി പ്രസിദ്ധമായത്.
സനാതന ധര്‍മവായനശാലയുടെയും പി.കെ. മെമ്മോറിയന്‍ ഗ്രന്ഥശാലയുടെയും സ്ഥാപകനും ആദ്യ സെക്രട്ടറിയുമായിരുന്നു. 1945-ല്‍ അന്നു നിലവിലുണ്ടായിരുന്ന 47 ഗ്രന്ഥശാലകളുടെ പ്രവര്‍ത്തകരുടെ സമ്മേളനം വിളിച്ചുകൂട്ടി. ആ സമ്മേളനത്തിന്‍റെ തീരുമാനപ്രകാരം 1947-ല്‍ രൂപീകൃതമായ തിരു-കൊച്ചി ഗ്രന്ഥശാലാസംഘമാണ് 1957-ല്‍ കേരള ഗ്രന്ഥശാലാ സംഘമായത്.
സ്കൂള്‍ അധ്യാപകനായിരിക്കുമ്പോള്‍തന്നെ അന്നത്തെ ഗവണ്‍മെന്‍റില്‍ നിന്നും അനുവാദം നേടി പണിക്കര്‍ മുഴുവന്‍ സമയഗ്രന്ഥശാലാ പ്രവര്‍ത്തകനായി. ''വായിച്ചുവളരുക, ചിന്തിച്ചു വിവേകം നേടുക'' എന്നീ മുദ്രാവാക്യങ്ങളുമായി 1972-ല്‍ ഗ്രന്ഥശാലാ സംഘത്തിന്‍റെ രജതജൂബിലി ആഘോഷത്തോടനുബന്ധിച്ച് സംഘടിക്കപ്പെട്ട സാംസ്കാരിക ജാഥയ്ക്കും അദ്ദേഹം നേതൃത്വം നല്കി.
ദീര്‍ഘകാലം കേരളഗ്രന്ഥശാലാ സംഘം സെക്രട്ടറിയായും അതിന്‍റെ മുഖപത്രമായ ഗ്രന്ഥലോകത്തിന്‍റെ പത്രാധിപരായും പ്രവര്‍ത്തിച്ച പണിക്കര്‍ 1977-ല്‍ ആസ്ഥാനത്തുനിന്ന് വിരമിച്ചു.
WD
PRO
അനൗപചാരിക വിദ്യാഭ്യാസവികസനത്തിനുവേണ്ടി പ്രവര്‍ത്തിക്കുന്ന കാന്‍ഫെഡിന്‍റെ സെക്രട്ടറിയായും (1978 മുതല്‍) സ്റ്റേറ്റ് റിഡേഴ്സ് സെന്‍ററിന്‍റെ ഓണററി എക്സിക്യൂട്ടീവ് ഡയറക്ടറായും സേവനമനുഷ്ഠിച്ചു.കാന്‍ഫെഡ് ന്യൂസ്, അനൗപചാരിക വിദ്യാഭ്യാസം, നാട്ടുവെളിച്ചം, നമ്മുടെ പത്രം എന്നിവയുടെ പത്രാധിപത്യവും വഹിച്ചു.
