യു ഡി എഫിന് എന്നും ഫലഭൂഷ്ഠമായ മണ്ണായിരുന്നു വയനാട്. പക്ഷേ ആ കുത്തകയ്ക്ക് വോട്ടർമാർ തിരിച്ച് വിധിയെഴുതിയ കാലമായിരുന്നു ഇത്തവണത്തെ നിയമസഭ തെരഞ്ഞെടുപ്പ്. മാനന്തവാടിയിൽ യു ഡി എഫ് സ്ഥാനാർത്ഥി മന്ത്രി പി കെ ജയലക്ഷ്മി തിരുനെല്ലി പഞ്ചായത്ത് പ്രസിഡന്റും സി പി എം നേതാവുമായ ഒ ആർ കേളുവിനോട് തോറ്റു. വോട്ടെണ്ണലിന്റെ ആദ്യഘട്ടത്തിൽ ജയലക്ഷ്മി മുന്നിലായിരുന്നെങ്കിലും പിന്നീട് പിന്തള്ളപ്പെടുകയായിരുന്നു.
ശക്തമായ മത്സരം നടക്കുമെന്ന് പ്രതീക്ഷിച്ച സുല്‍ത്താന്‍ ബത്തേരിയില്‍ കോണ്‍ഗ്രസിന്റെ കെ സി ബാലകൃഷ്ണന്‍ പതിനായിരത്തിലേറെ വോട്ടുകള്‍ക്ക് വിജയിച്ചു. എന്‍ ഡി എ സ്ഥാനാര്‍ത്ഥിയായി മത്സരിച്ച സി കെ ജാനുവിന് മണ്ഡലത്തില്‍ കാര്യമായ ചലനങ്ങള്‍ ഉണ്ടാക്കാന്‍ കഴിഞ്ഞില്ല. ജനാധിപത്യമഹിളാ അസോസിയേഷൻ കേന്ദ്രകമ്മിറ്റി അംഗവും പൂതാടി പഞ്ചായത്ത് പ്രസിഡന്റുമായ രുക്‌മിണി സുബ്രഹ്‌മണ്യൻ ആയിരുന്നു എൽ ഡി എഫിനുവേണ്ടി മത്സരിച്ചത്.
