കേസിലെ മുഖ്യ പ്രതിയായ പള്‍സര്‍ സുനി അഭിഭാഷകന് കൈമാറിയ ഫോണ്‍, മെമ്മറി കാര്‍ഡ് എന്നിവ ഫോറന്‍സിക് പരിശോധനക്ക് വിധേയമാക്കിയിരുന്നു. ഇവ സൈബർ ഫൊറൻസിക് പരിശോധന നടത്തിയതിലൂടെയാണ് കേസിലെ നിർണായക തെളിവായ ദൃശ്യങ്ങൾ കണ്ടെത്തിയതെന്നാണു ലഭ്യമായ വിവരം.
അതേസമയം, കേസിലെ മറ്റൊരെ പ്രതിയായ മണികണ്ഠനെ ദൃക്‌സാക്ഷിയാക്കാന്‍ പൊലീസ് നീക്കം നടക്കുന്നുണ്ട്. ഇതിനായി മണികണ്ഠന്റെ രഹസ്യമൊഴി രേഖപ്പെടുത്തിയേക്കുമെന്നും സൂചനയുണ്ട്. ഇന്ന് കസ്റ്റഡി കാലാവധി തീരാനിരിക്കെ സുനി, വിജീഷ് എന്നിവരുടെ പൊലീസ് കസ്റ്റഡി നീട്ടാനുള്ള അപേക്ഷ മജിസ്ട്രേട്ട് അനുവദിച്ചിട്ടുണ്ട്.
