മൈക്രോഫിനാന്‍സ് പദ്ധതിയുമായി ബന്ധപ്പെട്ട് ഉയര്‍ന്ന പരാതികളില്‍ നടപടി ആവശ്യപ്പെട്ട് എസ് എന്‍ ഡി പി യോഗം ജനറല്‍ സെക്രട്ടറി വെള്ളാപ്പള്ളി നടേശനെതിരെ പ്രതിപക്ഷനേതാവ് വി എസ് അച്യുതാനന്ദന്‍ കോടതിയിലേക്ക്. വിജിലന്‍സ് കോടതിയിലാണ് വി എസ് ഹര്‍ജി നല്കുന്നത്.
വെള്ളിയാഴ്ച കാലത്ത് പതിനൊന്ന് മണിക്ക് തിരുവനന്തപുരത്തെ വിജിലന്‍സ് പ്രത്യേക കോടതിയില്‍ നേരിട്ടെത്തി ആയിരിക്കും വി എസ് ഹര്‍ജി നല്‍കുക. ശനിയാഴ്ച വെള്ളാപ്പള്ളി നേതൃത്വം നല്കുന്ന സമത്വമുന്നേറ്റ യാത്ര തിരുവനന്തപുരത്ത് സമാപിക്കാനിരിക്കേയാണ് വി എസിന്റെ നിര്‍ണായകമായ നീക്കം.
പാവപ്പെട്ടവര്‍ക്ക് കുറഞ്ഞ പലിശനിരക്കില്‍ വായ്പ ലഭ്യമാക്കുന്ന എസ് എന്‍ ഡി പി യോഗത്തിന്റെ അഭിമാന പദ്ധതിയായ മൈക്രോഫിനാന്‍സിനെക്കുറിച്ച് വ്യാപകമായി പരാതിയാണ് ഉയരുന്നത്. പദ്ധതി അനുസരിച്ച് വായ്പയെടുത്ത് വഞ്ചിതരായെന്ന പരാതിയുമായി നിരവധി പേര്‍ രംഗത്തു വന്നിട്ടുണ്ട്.