വേടന് ആധുനിക സംഗീതത്തിന്റെ പടത്തലവനെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. വേടന്റെ പാട്ട് കേള്‍ക്കുമ്പോള്‍ ചില ഉദ്യോഗസ്ഥര്‍ക്ക് കണ്ണുകടി ഉണ്ടാകുന്നു. ജാമ്യമില്ല വകുപ്പ് ചുമത്തി കേസെടുത്തപ്പോള്‍ പാര്‍ട്ടി വേടനൊപ്പം നിന്നു. കഞ്ചാവ് പിടിച്ച കേസില്‍ വേടന് തെറ്റ് പറ്റിയെന്ന് സമ്മതിച്ചതാണ്. അത് അവിടെ തീരേണ്ടതാണ്. റാപ്പ് സംഗീതത്തിലൂടെ കലാപം ഉണ്ടാക്കാന്‍ ശ്രമിക്കുന്നുവെന്ന് ആര്‍എസ്എസ് പറയുന്നു. ആര്‍എസ്എസിന് എന്ത് കല. വേടന് തന്നെ എഴുതി പാടുന്ന പാട്ടിന് കരുത്തുണ്ടെന്നും എംവി ഗോവിന്ദന്‍ പറഞ്ഞു.
