തിരുവനന്തപുരത്ത് ബന്ധുവായ എട്ടുവയസ്സുകാരിയെ പീഡിപ്പിച്ച 58 കാരന് 41 വര്‍ഷം കഠിനതടവ് ശിക്ഷ വിധിച്ച് കോടതി. 58 കാരനായ ശ്രീനിവാസനാണ് 41 വര്‍ഷത്തെ കഠിന തടവിനും 2 ലക്ഷം രൂപ പിഴയും വിധിച്ചത്. തടവ് ജീവിതാന്ത്യം വരെ അനുഭവിക്കണം. വീട്ടുകാര്‍ പെണ്‍കുട്ടിയെ ബന്ധുവിന്റെ വീട്ടിലാക്കിയ ശേഷം പുറത്തുപോയ സമയത്താണ് പീഡനം നടന്നത്.
സഹോദരനെ പുറത്താക്കിയശേഷം പെണ്‍കുട്ടിയുടെ കൈകള്‍ കെട്ടിയിട്ട് വായില്‍ തുണി തിരുകി പീഡിപ്പിക്കുകയായിരുന്നു. സഹോദരന്‍ വിവരമറിയിച്ചതിനെ തുടര്‍ന്ന് വീട്ടുകാര്‍ പോലീസില്‍ പരാതി നല്‍കുകയായിരുന്നു.