കടന്നല് ആക്രമണത്തില് ഗൃഹനാഥന് മരിക്കുകയും റിട്ടേഡ് എസ് ഐക്ക് പരിക്കേല്ക്കുകയും ചെയ്തു. കന്യാകുളങ്ങര കൊച്ചാലുംമൂട് ഷമീനാ മന്സിലില് അബ്ദുല് വാഹിദ്(71) ആണ് മരിച്ചത്. പുരയിടത്തില് കൃഷി ചെയ്തുകൊണ്ടിരിക്കെയാണ് കടന്നലുകള് കൂട്ടത്തോടെ എത്തി ആക്രമിച്ചത്. തൊട്ടടുത്ത പുരയിടത്തില് ജോലി ചെയ്തുകൊണ്ടിരുന്ന റിട്ടേഡ് എസ് ഐ അബ്ദുല് ഖരിമിനെയും കടന്നലുകള് ആക്രമിച്ചു.
