വിദ്വേഷപരമായ പോസ്റ്റുകള്‍ ഫേസ്‌ബുക്കില്‍ പബ്ലിഷ് ചെയ്തതിന് തോക്കുസ്വാമി എന്നറിയപ്പെടുന്ന ഹിമവല്‍ ഭദ്രാനന്ദയെ പൊലീസ് അറസ്റ്റ് ചെയ്തു. ഇതര സമുദായങ്ങളെ മോശമായി ചിത്രീകരിക്കുന്ന ഫേസ്‌ബുക്ക് പോസ്റ്റുകള്‍ ഇട്ടതിനാണ് അറസ്റ്റ് ചെയ്തത്. എറണാകുളം നോര്‍ത്ത് പൊലീസ് ആണ് അറസ്റ്റ് ചെയ്തത്.
ഫേസ്‌ബുക്ക് പോസ്റ്റുമായി ബന്ധപ്പെട്ട് പരാതി ലഭിച്ചതിനെ തുടര്‍ന്നാണ് നടപടി. പരാതി ലഭിച്ച പൊലീസ് പോസ്റ്റുകള്‍ പരിശോധിക്കുകയും കേസ് എടുക്കുകയുമായിരുന്നു. തുടര്‍ന്ന്, ഹിമവല്‍ ഭദ്രാനന്ദയെ ചോദ്യം ചെയ്യുന്നതിനായി സ്റ്റേഷനിലേക്ക് വിളിച്ചു വരുത്തി അറസ്റ്റ് രേഖപ്പെടുത്തുകയായിരുന്നു.
അറസ്റ്റിനു ശേഷം വൈദ്യപരിശോധന നടത്തി. എറണാകുളം അഡീഷണല്‍ സി ജെ എം കോടതിയില്‍ ഇയാളെ ഹാജരാക്കി. അതേസമയം, ആലുവയില്‍ തോക്ക് ഉപയോഗിച്ച കേസുമായി ബന്ധപ്പെട്ട് ഹിമവല്‍ ഭദ്രാനന്ദയ്ക്ക് എതിരെ ഇന്ന് പറയേണ്ടിയിരുന്ന വിധിപ്രസ്താവം കോടതി മാറ്റി.