പരവൂര്‍ പുറ്റിങ്ങല്‍ ദേവീ ക്ഷേത്രത്തിലെ വെടിക്കെട്ട് അപകടത്തില്‍ പരിക്കേറ്റ് മെഡിക്കല്‍ കോളേജ് ആശുപത്രിയില്‍ കഴിയുന്നവര്‍ക്ക് ഇന്‍ഫോസിസ് ഫൌണ്ടേഷന്‍റെ 35 ലക്ഷം രൂപ വിലവരുന്ന ഉപകരണങ്ങളും മറ്റും നല്‍കി.
നാലു വെന്‍റിലേറ്ററുകള്‍, 15 ആല്‍ഫാ ബെഡുകള്‍, 2 ലക്ഷം രൂപ വില വരുന്ന പൊള്ളല്‍ ചികിത്സാ മരുന്നുകള്‍, 500 ബെഡ്ഷീറ്റുകള്‍ എന്നിവയാണു ഇന്‍ഫോസിസ് നല്‍കിയത്. ഇവകള്‍ കഴിഞ്ഞ ദിവസം ഇന്‍ഫോസിസ് ഡെ‍വലപ്‍മെന്‍റ് മേധാവി സുനില്‍ ജോസാണ് മെഡിക്കല്‍ കോളേജ് സൂപ്രണ്ട് ഡോ.കെ.മോഹന്‍ദാസിനു കൈമാറിയത്.