അധ്യാപക നിയമന പാക്കേജില്‍ സംസ്ഥാനസര്‍ക്കാരിന് തിരിച്ചടി. അധ്യാപക നിയമനത്തിന് സര്‍ക്കാരിന്റെ മുന്‍കൂര്‍ അനുമതി വേണ്ടെന്ന് ഹൈക്കോടതി ഉത്തരവിട്ടു. എയ്ഡഡ് സ്കൂളുകളില്‍ അധ്യാപകരെ നിയമിക്കുന്നതിന് സര്‍ക്കാരിന്റെ മുന്‍കൂര്‍ അനുമതി വാങ്ങണമെന്ന് സര്‍ക്കാര്‍ നിര്‍ദ്ദേശം നല്കിയിരുന്നു. എന്നാല്‍, ഈ നിര്‍ദ്ദേശം തള്ളിയാണ് ഹൈക്കോടതിയുടെ പുതിയ ഉത്തരവ്.
കൂടാതെ, പ്രൈമറി ക്ലാസുകളില്‍ കേന്ദ്ര വിദ്യാഭ്യാസ അവകാശനിയമം ബാധകമാണെന്നും ഹൈക്കോടതി പറഞ്ഞു. ക്ലാസുകളില്‍, 1:45 എന്ന അനുപാതം റദ്ദാക്കി. 45 കുട്ടികള്‍ക്ക് ഒരു അധ്യാപകന്‍ എന്നതാണ് റദ്ദു ചെയ്തത്.
