പയ്യന്നൂരില്‍ സുനിഷയുടെ ആത്മഹത്യയില്‍ ഭര്‍ത്താവ് വിജീഷിന്റെ അറസ്റ്റ് രേഖപ്പെടുത്തി. ഗാര്‍ഹിത പീഡനം, ആത്മഹത്യ പ്രേരണ എന്നീ വകുപ്പുകള്‍ ചുമത്തിയാണ് കേസെടുത്തിട്ടുള്ളത്. ഇയാള്‍ക്കെതിരെയുള്ള വാട്സാപ്പ് സന്ദേശങ്ങളും പുറത്തുവന്നതോടെയാണ് അറസ്റ്റ്. സുനിഷയുടെ മരണത്തില്‍ ഡിജിപി റിപ്പോര്‍ട്ട് തേടിയിട്ടുണ്ട്. കഴിഞ്ഞ ഞായറാഴ്ച വൈകുന്നേരമാണ് സുനിഷ ഭര്‍തൃഗ്രഹത്തിലെ ശുചിമുറിയില്‍ തൂങ്ങിമരിച്ചത്. ഭര്‍ത്താവിന്റെ വീട്ടിലെ പീഡനമാണ് മരണകാരണമെന്ന് തെളിയിക്കുന്ന ഫോണ്‍ സന്ദേശങ്ങളും വാട്സാപ്പ് മെസേജുകളും പുറത്തുവന്നിട്ടുണ്ട്. തന്നെ കൂട്ടിക്കൊണ്ടുപോയില്ലെങ്കില്‍ ജീവനോടെ ഉണ്ടാകില്ലെന്ന് സുനിഷ സഹോദരനോട് പറഞ്ഞിരുന്നു.
