പാമ്പുകടിയേറ്റ് വീട്ടമ്മ മരിച്ചു. മുളന്തുരുത്തി പൂത്തോട്ട ആലുങ്കല്‍ ദീപ സുരേഷ് എന്ന 40 കാരിയാണു ബെഡ്‍റൂമില്‍ വച്ച് കഴുത്തില്‍ പാമ്പുകടിയേറ്റു മരിച്ചത്. വീടിനടുത്തെ പറമ്പില്‍ പുല്ലിനു മുകളില്‍ വിരിച്ച് ഉണക്കിയെടുത്ത വസ്ത്രങ്ങള്‍ കട്ടിലില്‍ ഇട്ട് വിശ്രമിക്കാന്‍ കിടന്നപ്പോഴായിരുന്നു പാമ്പുകടിച്ചത്. വീട്ടമ്മയെ ഉടന്‍ എറണാകുളം മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
ദീപയുടെ ഭര്‍ത്താവായ പൂത്തോട്ട ശര്‍മ്മ വധക്കേസിലെ പ്രതിയായ ആലുങ്കല്‍ സുരേഷ് ഇപ്പോള്‍ ജയിലിലാണ്. മുളന്തുരുത്തി ബ്ലോക്ക് പഞ്ചായത്തിലെ കുടുംബശ്രീയുടെ ഓഡിറ്ററായ ദീപയുടെ മരണത്തോടെ പത്തിലും ആറിലും പഠിക്കുന്ന കുട്ടികളുടെ സം‍രക്ഷണം പ്രശ്നമായിരിക്കുകയാണ്.