ഇതുമായി ബന്ധപ്പെട്ട് വീണ്ടും മൊഴിയെടുക്കില്ല. കമ്മിറ്റി നല്‍കിയ മറ്റ് ഇരുപതോളം മറ്റുമൊഴികള്‍ ഗുരുതര സ്വഭാവമുള്ളതാണെന്നാണ് അന്വേഷണസംഘത്തിന്റെ വിലയിരുത്തല്‍. കേസിന് സാധ്യതയുള്ള മൊഴി നല്‍കിയവരുടെ പട്ടിക തയ്യാറാക്കി അന്വേഷണസംഘം മേധാവിക്ക് കൈമാറി. അവരില്‍ നിന്നും ഐപിഎസ് ഉദ്യോഗസ്ഥര്‍ തന്നെ വീണ്ടും മൊഴി ശേഖരിക്കും. നിയമനടപടികളുമായി മുന്നോട്ട് പോകാന്‍ അവര്‍ തയ്യാറായാല്‍ കേസ് രജിസ്റ്റര്‍ ചെയ്യാനുള്ള പ്രവര്‍ത്തനങ്ങള്‍ നടത്തും.
