കന്നിമാസ പൂജകള് പൂര്ത്തിയാക്കി ശബരിമല ശ്രീ ധര്മ്മശാസ്താ ക്ഷേത്രനട നാളെ അടയ്ക്കും. അത്താഴപൂജക്ക് ശേഷം രാത്രി 8.50 ന് ഹരിവരാസനം പാടി 9 മണിക്ക് ആണ് തിരുനട അടയ്ക്കുക. തുലാമാസ പൂജകള്ക്കായി ശബരിമല ക്ഷേത്രനട ഒക്ടോബര് 16 ന് വൈകുന്നേരം 5 മണിക്ക് തുറക്കും. തുലാം ഒന്നായ 17 ന് രാവിലെയാണ് പുതിയ ശബരിമല - മാളികപ്പുറം മേല്ശാന്തിമാരുടെ നറുക്കെടുപ്പ്. 21 ന് രാത്രി 9 ന് നട അടയ്ക്കും.17 മുതല് 21 വരെയാണ് ഭക്തര്ക്ക് പ്രവേശനം .
