ഇരിഞ്ഞാടപ്പിള്ളി മനയുടെ കീഴിലുള്ള ശ്രീകൃഷ്ണക്ഷേത്രത്തിലേക്ക് പെറ്റ ഇന്ത്യ എന്ന സംഘടനയാണ് റോബോട്ട് ആനയെ സംഭാവനയായി നൽകിയത്. വൈദ്യുതിയിലാണ് ഇതിൻ്റെ പ്രവർത്തനം. ഇരുമ്പ് കൊണ്ടുള്ള ചട്ടക്കൂടിന് പുറത്ത് റബ്ബർ ഉപയോഗിച്ചുകൊണ്ടാണ് ആനയെ നിർമിച്ചിരിക്കുന്നത്. അഞ്ച് മോട്ടോറുകൾ ഉപയോഗിച്ചാണ് വായയും ചെവിയും വാലുമെല്ലാം പ്രവർത്തിക്കുന്നത്. തുമ്പിക്കൈ മാത്രം പാപ്പാന് നിയന്ത്രിക്കാൻ കഴിയുന്ന വിധമാണ് നിർമാണം.
