അനാഥയും പ്രായപൂര്‍ത്തിയാകാത്തതുമായ പെണ്‍കുട്ടിയെ പീഡിപ്പിക്കാന്‍ ശ്രമിച്ച കുറ്റത്തിനു വൃദ്ധനെ പൊലീസ് അറസ്റ്റ് ചെയ്തു. കാഞ്ഞിരപ്പള്ളി പട്ടിമറ്റം സ്വദേശി കുഞ്ഞാമി എന്ന സലീമിനെയാണു പൊലീസ് അറസ്റ്റ് ചെയ്തത്.
സ്ഥലത്തെ ഫാബീസ് എന്ന ഓഡിറ്റോറിയത്തിനടുത്തുള്ള അനാഥാലയത്തിലെ അന്തേവാസിയായ പതിനാലുകാരിയെയാണു സലീം പീഡിപ്പിക്കാന്‍ ശ്രമിച്ചത്. അനാഥലയത്തിനടുത്ത് കട നടത്തുന്ന സലീമിന്‍റെ കടയില്‍ സാധനം വാങ്ങാന്‍ എത്തിയപ്പൊഴായിരുന്നു പീഡനശ്രമം നടന്നത്.
പേടിച്ചരണ്ട പെണ്‍കുട്ടി വിവരം അനാഥാലയത്തില്‍ അറിയിക്കുകയും ഇവര്‍ പൊലീസില്‍ പരാതി നല്‍കുകയും ചെയ്തു. തുടര്‍ന്ന് പൊലീസ് ഇയാളെ വീട്ടില്‍ നിന്ന് അറസ്റ്റ് ചെയ്തു.