പെണ്‍കുട്ടിയെ ഉപദ്രവിച്ചു എന്ന പരാതിയില്‍ മദ്രസാ അദ്ധ്യാപകനെ പൊലീസ് അറസ്റ്റ് ചെയ്തു. വെമ്പടി സ്വദേശി പി.ഈസ എന്ന 50 കാരനാണു മട്ടന്നൂര്‍ പൊലീസ് വലയിലായത്. രണ്ട് മാസങ്ങള്‍ക്ക് മുമ്പാണ് പരാതിക്ക് കാരണമായ സംഭവം നടന്നത്.
മട്ടന്നൂരിനടുത്തുള്ള ഒരു മദ്രസയിലെ അധ്യാപകനായ ഈസ ഇതേ മദ്രസയിലെ ഒരു പ്രായപൂര്‍ത്തിയാകാത്ത വിദ്യാര്‍ത്ഥിനിയെയാണ് ഉപദ്രവിച്ചത് എന്നാണു പരാതി. ചൈല്‍ഡ് ലൈനിനു ലഭിച്ച പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചതറിഞ്ഞ് ഈസ ഒളിവില്‍ പോവുകയായിരുന്നു. മട്ടന്നൂര്‍ എസ്.ഐ എം.പി.വിനീഷ് കുമാറിന്‍റെ നേതൃത്വത്തിലുള്ള പൊലീസ് സംഘമാണു പ്രതിയെ അറസ്റ്റ് ചെയ്തത്.