പരീക്ഷയ്ക്ക് കോപ്പിയടിച്ച പൊലീസുകാര്‍ക്കെതിരെ നടപടി
സ്ഥാനക്കയറ്റ പരീക്ഷയില്‍ കോപ്പിയടിച്ച കുറ്റത്തിനു 6 പൊലീസുകാര്‍ക്കെതിരെ വകുപ്പ്‍തല നടപടി. കോട്ടണ്‍ഹില്‍ സ്കൂളില്‍ നടന്ന ഹെഡ് കോണ്‍സ്റ്റബിള്‍ പരീക്ഷയിലായിരുന്നു പൊലീസുകാര്‍ കോപ്പിയടിച്ചത്.
ലോക്കല്‍ പൊലീസ്, എആര്‍ എന്നിവിടങ്ങളില്‍ നിന്ന് അഞ്ഞൂറോളം പൊലീസുകാരാണു പരീക്ഷയ്ക്കിരുന്നത്. എആര്‍ക്യാമ്പിലെ ഉദ്യോഗസ്ഥരായിരുന്നു പരീക്ഷ നടത്തിയത്.
പരീക്ഷാ ഹാളില്‍ കോപ്പിയടി നടക്കുന്നു എന്ന രഹസ്യ വിവരത്തിന്‍റെ അടിസ്ഥാനത്തില്‍ ഡെപ്യൂട്ടി പൊലീസ് കമ്മീഷണര്‍ അജിതാ ബീഗം നടത്തിയ മിന്നല്‍ പരിശോധനയിലാണ്‌ ആറു പൊലീസുകാരും കുടുങ്ങിയത്.
