തൊഴിലാളി സംഘടനകള്‍ തൊഴിലാളികളെ വിതരണം ചെയ്യുന്ന പ്രവണതയും ഇനിയുണ്ടാകില്ല. മേയ് ഒന്നുമുതല്‍ അതും നില്‍ക്കും. നോക്കുകൂലിയാണ് കേരളത്തിന്‍റെ തൊഴില്‍ മേഖലയുടെ പ്രതിച്ഛായ മോശമാകാന്‍ പ്രധാന കാരണമെന്ന് മുഖ്യമന്ത്രി ചൂണ്ടിക്കാട്ടി. ഈ ദുഷ്‌പ്രവണത കേരളത്തില്‍ തുടരുന്നത് പൂര്‍ണമായും അവസാനിപ്പിക്കാനാണ് സംസ്ഥാന സര്‍ക്കാര്‍ ശ്രമിക്കുന്നത് - മുഖ്യമന്ത്രി വ്യക്തമാക്കി.
പുനലൂരില്‍ എ ഐ വൈ എഫിന്‍റെ കൊടിനാട്ടല്‍ മൂലം വര്‍ക്‍ഷോപ്പ് തുടങ്ങാനാകാതെ പ്രവാസി ആത്മഹത്യ ചെയ്ത സംഭവത്തെ തുടര്‍ന്നാണ് തൊഴിലാളി സംഘടനകളുടെ യോഗം മുഖ്യമന്ത്രി വിളിച്ചുചേര്‍ത്തത്. സി ഐ ടി യു, എ ഐ ടി യു സി, ഐ എന്‍ ടി യു സി, ബി എം എസ് തുടങ്ങിയ പ്രധാന തൊഴിലാളി സംഘടനകളുടെയെല്ലാം പ്രതിനിധികള്‍ യോഗത്തില്‍ പങ്കെടുത്തു.
