വെടിക്കെട്ട് സംബന്ധിച്ച ആദ്യറിപ്പോര്‍ട്ട് ഏപ്രില്‍ നാലിനായിരുന്നു നല്കിയത്. ഇതില്‍ വെടിക്കെട്ട് നടത്തരുതെന്നായിരുന്നു നിര്‍ദ്ദേശം. എന്നാല്‍, നാലു ദിവസത്തിനു ശേഷം ഏപ്രില്‍ എട്ടിനു നല്കിയ രണ്ടാം റിപ്പോര്‍ട്ടില്‍ നേരത്തെയെടുത്ത തീരുമാനത്തില്‍ മലക്കം മറിഞ്ഞ പൊലീസ് മത്സരക്കമ്പം ഒഴിവാക്കിയാല്‍ മതിയെന്ന് നിര്‍ദ്ദേശിക്കുകയായിരുന്നു.
ചാത്തന്നൂര്‍ എ സി പിയും പരവൂര്‍ എസ് ഐയും വെടിക്കെട്ടിനെ അനുകൂലിച്ചാണ് റിപ്പോര്‍ട്ട് നല്കിയിരുന്നത്. ഏപ്രില്‍ എട്ടിന് നല്കിയ റിപ്പോര്‍ട്ടില്‍ മത്സരക്കമ്പം ഒഴിവാക്കണമെന്ന് നിര്‍ദ്ദേശിച്ചിരുന്നു. കൂടാതെ, മറ്റ് സുരക്ഷാപ്രശ്നങ്ങള്‍ ഈ റിപ്പോര്‍ട്ടില്‍ നിന്ന് ഒഴിവാക്കുകയും ചെയ്തിരുന്നു. അതേസമയം, വിഷയത്തില്‍ പ്രതികരിക്കാന്‍ ആഭ്യന്തരമന്ത്രി രമേശ് ചെന്നിത്തല തയ്യാറായില്ല.
