ഹെൽമറ്റ് ധരിക്കാതെ യാത്ര ചെയ്യുക എന്നത് പോലുള്ള നിയമലംഘനങ്ങൾക്കും ലൈസൻസ് റദ്ദാക്കും. ഇത്തരം നിയമലംഘനങ്ങൾക്ക് പിഴയീടാക്കാറാണ് പതിവ്. എന്നാൽ പിഴയടച്ചവർ വീണ്ടും നിയമലംഘനം ആവർത്തിക്കുന്നതായി കണ്ടതിനെ തുടർന്നാണ് ലൈസൻസ് റദ്ദാക്കിതുടങ്ങിയത്. മൂന്ന് മാസത്തിനിടെ ഗതാഗത നിയമലംഘനങ്ങളുടെ പേരിൽ ജില്ലയിൽ 52 പേരുടെ ലൈസൻസാണ് മോട്ടോർ വാഹനവകുപ്പ് റദ്ദാക്കിയത്.ഒരുമാസംമുതല്‍ ഒരുവര്‍ഷത്തിലധികം ലൈസന്‍സ് റദ്ദാക്കപ്പെട്ടവരുമുണ്ട്. റദ്ദാക്കിയശേഷവും വാഹനവുമായി നിരത്തിലിറങ്ങിയാല്‍ ആജീവനാന്തം ലൈസൻസ് റദ്ദാക്കുമെന്ന് അധികൃതർ അറിയിച്ചു.
